Benedíctus

Benedíctus Dóminus

–⁶⁸ Benedíctus Dóminus Deus Israel, *

quia visitávit et fecit redemptiónem plebi suae

–⁶⁹ et eréxit cornu salútis nobis *

in domo David púeri sui,

–⁷⁰ sicut locútus est per os sanctórum, *

qui a saéculo sunt, prophetárum eius,

–⁷¹ salútem ex inimicis nostris *

et de manu ómnium, qui odérunt nos;

–⁷² ad faciéndam misericórdiam cum pátribus nostris *

et memorári testaménti sui sancti,

–⁷³ iusiurándum, quod iurávit ad Abraham patrem nostrum,*

datúrum se nobis,

–⁷⁴ ut sine timóre, de manu inimicórum liberáti, *

serviámus ili

–⁷⁵ in sanctitáte et iustítia coram ipso *

ómnibus diébus nostris.

–⁷⁶ Et tu, puer, prophéta Altíssimi vocáberis: *

praeíbis enim ante fáciem Dómini paráre vias eius.

–⁷⁷ ad dandam sciéntiam salútis plebi eius *

in remisiónem peccatórum eórum,

–⁷⁸ per víscera misericórdiae Dei nostri, *

in quibus visitábit nos oriens ex alto,

–⁷⁹ ilumináre his, qui in ténebris

et in umbra mortis sedent *

ad dirigéndos pedes nostros in viam pacis.

– Glória Patri, et Fílio, *

et Spirítui Sancto.

– Sicut erat in princípio, et nunc et semper, *

et in saécula saeculórum. Amen.